Mizoisrael Runmawi

Tuanna apiangah Mizo Takin

Ding Dong!!

Sharon Kohen (Dana International): 1998 Eurivision Song Contest a Israel Ram tan a Pakhatna a lak achin tudang mahin Israel Ram tan lawmman pakhatna an la leh thei ta reng reng lo mai a, 2011 a Eurovision Song Contest Germany a neih turah Israel Ram aiawh a chhuak turin a vawihnihna atan thlan leh a ni ta a, Diva atanga kum sawm hnuah Ding Dong hmangin khawvel a awi leh dawn!! Lawmman pakhatna a lak leh ngei kan beisei pui tlat!! Ani hi khawvel a Transsexual Celeb lar chhuak ber niin a awm chhun pawh a tih theih hial awm e!!

Diva (1998)

March 30, 2011 Posted by | milarte chanchin, videos, zairimawi | Leave a comment

Hope

European Championship Qualifying ah beiseina mei chher thi tep tawh chu chhem alh a awm leh in Tunkar Nilai Zan khan Georgia khel thiam rual chu tlawm in an awm!! Israel chuan Point 10 a hmu ve leh ta pang mai!!Bloomfield Stadium a Israel khel thiam rual leh Georgia Khela te an han in nuai tak tak mai chu In chhung lum atang pawn tiril a ti mur ve ar ar thei nia!! First Half ah tu mah mah in an khung lova, Georgia lamin an nawr viau a, mahse Goal em chu an nawr thleng pha bik lova. Khel hnihna an han tan leh a, a nawr tu ngai bawkin an nawr leh at at reng a, Minutes 50 naah chuan Manager Luis Fernández chuan Tal Ben Khaim-a a luh tir ve ta a, a luh atanga reilo teah chuan a ti nek nek a, a thiante Ball siam Chance vawikhatna chu hlah miah lovin Israel tan mawi takin Georgia Goal pui Len a chhuih puar ta pup mai a ni!! Khel leh ah Latvia sut leh tur a ni dawn a, Chak leh ngei se kan duhpui hle mai!! Israeli Football atchilh tak tak tute chuan Israel mipui te chu dem in Europe Ram leh khawvel Ram dangah te chuan a Ram pum huap in Ram tan a khel te tan tan an la thin a, keini ve chu kan Ramah ngei pawh a hmun a en a, boruak siam aiin mahni in lum atanga en kan thlang zawk a, hetiang reng chuan chak zel tlak pawh kan ni love an tih laiin thenkhat te erawh chuan Ram dang mi Manager a lak vangah an puh ve mek a, tun hma kemahni mi leh sa te ngeiin min hrual lai kha chuan a Ram pum nawkin kan thawk chhuak ve thin kha a ni a, Ram dang mi Manager a kan lak a chinah a tla hniam ta mai chauh a ni anti ve bawk!!

March 30, 2011 Posted by | kamchhuak, Sport | 1 Comment

Miss Israel 21-na 2011

Israel Miss 2011 chu thlan zawh fel niin Ella Ran, Hertzeliah Nula kum 21 pakhat mi chu Israel Miss 2011 atan a thlan tlin niin Lalnu lukhum khim mek tu Shevit Vizel-i Kibbutz Beri Nula hnen atang chuan Lanu lukhum leh Lalnu nihna chu a lak sak ta a ni!! Miss 2011 Ella Ran hi a sang in a hleitling hle mai a, Meter 1.82 lai a sang a ni nghe nghe a, Contestant dangte lakah pawh a lawr zuah bik a ni!! Miss thlan chhung karthum vel chhung zawng pawh in Judges te leh mipui lawm a hlawh em em a, Miss Title la tu a ni hi a awm viau reng a ni. Pahnihna atan chuan Kim Edri Sederot khaw nula kum 18 mi thlan a ni a, Kim Edri leh Miss Ella Ran te hi an Point a in thlau lo hle mai a, Miss Ella Ran hian Point tlem te chauh in a khum a ni. A pathumna a tan chuan Rishon Letzion Nula Bar Marom-i thlan niin ‘Miss World thlanna ah Israel Ram hming in in Contest ta la, engtiang chiah in nge Israel hi Khawvel hmuh ah min chawimawi ang?’ tih Judges te zawhna chu a chhan thiam em avangin lawm a hlawh hle a, hei hian pathumna a thlen pui pawh a ni mahna!! Zawhna chhan thiam a pawimawh viau reng a ni. A Palina atan chuan Tel-Aviv Lanu Kim Akafi kum 18 leh a chanve mi thlan a ni a, a ni hian Miss thlan tan a nih hma hauh atangin Contestant dang zawngte aiin LIKE a dawng hnem ber a ni. Israeli Nula kei ka ni in ti thiau 19 te khum vek tu Miss Ella hian a hna vawn lai Clerk hna chu bansan in Israel khawvel hmuh a min kap eng turin Karleh atang khian hna a thawk nghal char char dawn a ni. Kan lawmpui e!!

March 30, 2011 Posted by | news | 1 Comment

Nausen chaw Materna Man To

Nausen chaw tha ber zing mi Materna chu tunkar kalta khan a man san thut a ni a, Fa nausen Nu hnute pe lo a Materna ringte tan chuan Lu ahai duh map map ngei mai. Mitam tak an phun sup sup a, kan Sokar hian Fa nei tam lo tur hian ami min duh?! ti te hial a tawngchhuak te pawh an awm nuk mai. Fanau nei tam te tanpuina pek a an khawsakna tan phurrit anih lohna tur a hmalak sak zawk awm tak a nih lai a hetia Naute hnute an han ti sang thut mai hi duh lovin Emuna pawl a an hruaitu nu chuan hemi chungchang ah hian Sorkar a dem em em a, ‘Kan Hmelma Arab te nitin in an pung thur thur a, keini pawh fanau neih tam lam a in fuih a, inzirtir a, in tanpui zawk awm tak a nih laia hetia Sorkar berin heti zawng a hma ala hi thil dik lo hul hual a ni’ a ti. Sorkar hruaitu te’n mipui harsatna hrethiam a a man rawn ti tlawm leh thuai tur in kan beisei in kan duh em em e!!

March 30, 2011 Posted by | news | Leave a comment

Iran indo Lawng in Suize Canal a zawh kai

Iran Indo lawng chuan tunkar khan Suize Canal a zawh chhuak a, tunah hian Syria ram panin a thang mek in Meditenarian tuipui velah a cham bang dawn a ni. Hetiang a ngam pa tak mai a Israel Ram bul a a indo Lawng Iran in a rawn tir hi Israel chona a ni a, Kan Pm Benjamin Netanyahu chuan a hun takah kan chhang in kan ngawibo pui mai mai tur a ni lo a ti. Iran ram hian tunlai in Nuclear ralthuam a siam mup mup reng a, khawvel ram hrang hrang in theihtawp chhuah a siam lo tur a an nawr chung pawh in a in ti luhlul in a thu ang chuan a kal pui zel a, America in an thil tum a tih chihchhiat sak  anih loh chuan Israel in a chhutchhiak sak a ngai  mai dawn ni in alang. Chutiang a nih avang te pawh chu aniang chu Iran chuan Indo  min cho zia lantir nan a lawng te chu a rawn tir vel ni. Kan Sokar hruaitute mi A nileng anni bik lova, a a hun takah chuan a che that ang a, Pa-thian tanpuina in awlsam takin kan tlawm leh mai dawn a ni. Tin,Iran hian Israel ram nuaichimit atum thu leh a duh zia vawitam tak a chhakchhuak tawh a, kan ram hruaitu leh sipai te’n ngawi an la chuh zel a, kan thinrim hun a thlen vaih chuan kan che tu ru viau ang.

March 30, 2011 Posted by | news | Leave a comment

Tefillin vangin New Zealand police in Juda man

Israeli thian dun pahnihte chuan midang te tih dan thin ang thovin an sipai leh Lehkhazir zawh lawm nan khawvel fang a Tiul turin an chhuak dun a, khawvel hmun hrang hrang ah Tiul-na nei in New Zealand te pawh an tlawh a. New Zealand a an awm lai chuan  khualzin Lawngah  hmun hrang hrang tlawh turin an chuang ve azingkhat hi Lawng a an chuan lai chuan Zing tawngtaina Shakharith an hmang dun aan Tefiilin te chu Ban ah leh Lu ah te chuan an zem ta a. Nimahsela chu an Lawng chuanna a chuang ve te chuan chumi pahnih te thiltih chu an la hmu ngailo in an hrethiam lo hle mai a, an ringhlel in an hlauthawng ta hle em em mai a, tichuan a rukin Police an lo phone ru ni ngei tur a ni, rei lo teah chuan an chuanna Lawng chu Indo Helicopter in a rawn vir ta vut vut mai a, Police Lawng hrang hrang in a rawn hual ta khup  bawk a. Tichuan reilo te chhung chuan chu Lawng ah chuan Silai mu Load sa diam in Police te chu an lo lut nghal a, an silai tin chung chuan chumi te pahnih Tawngtai lam chu an rawn pan ta a, kar lovah anni pahnih chu Police te chuan an man in an phuarhlawm ta reng mai a ni. Lawng atang chuan Police station hnai ber ah hruai in Misual rapthlak ber ang mai in an cheibawl ta a, Police Station a darkar engemaw chen an awm hnuah chuan Israel Embassy chu biak pawp niin anni chu an rawn kan a, thil awmzia an hrilhfiah hnuah chumi te thil tih chu thil hlauawm leh rawlral a chetna nilo in Tawngtaina mai anih zia hrilhfiah annih hnuah chuan chhuah zalen anni ta a ni. Hemi hmunah hian thil a chiang leh zualnan Chabad Rabbi pawh a thleng nghal a, ani chuan chumi thian dun pahnihte hnenah chuan an thil tih avang in Pa-thian hming an tih thianghlim thu leh anmahni avang in vawiin niah chuan New Zealand khawilai hmunah pawh enge Teffilin awmzia an hriat phah tawh dawn a ni tiin anni chu a hrilh hial.

March 30, 2011 Posted by | news | Leave a comment

Juda leh Samaria hi Israel ram a ni ve em ?

Israel ram hi kan hriat ang in  then hrang hrang in then a ni a, entirnan, Golan Height a awm a, Negev thlaler a awm a, Galil (Galilee dil  leh a chhehvel ram te) leh Gush dan (Tel Aviv bawr) a awm a, tin, Juda leh Samaria te pawh a awm a. Nimahsela tun a kan chen leh khawsakna Juda leh Samaria kan tih mai Beit El, Ofra, kiriat Arba leh Shomron, tunlai tawng tak a Green Line pawn an tih te hi chu Israel  in awp in chenchilh mah ila Israel State danah chuan Israel chhung a ngaih a ni hauh lo mai !! A awmzia chu mi ram luahhawh a cheng ang mai a ngaih kanni a, a tul hun leh in remsiamna awm hun a chhuahsan mai tur hmun ah kan lo cheng reng mai tihna a nih chu. Hetiang a Israel ram tha leh pawimawh leh nuam lai ber, kan Torah ah pawh vawi tam tak ziah lan leh min thlahtute lo khawsak leh  tualchaina hmun chu Israel ram ang a ngaih a ni ve lo chu kan Politician pakhat Yakov Katz an tih mai Beit El khua ami chuan a ngaithei ta hauh lo mai a, chuvang chuan Israel ram dan chu tih danglam a Juda leh Samaria pawh chu Israel chhung hmun dang ang tho a ngaih ni ngei tur in theih tawp a chhuah a, chumi chungchang chu khel tur in Knesset ah pawh a pu lut a, nimahsela vanduai thlak tak in chu a dan siam tum chu hnawl in a lo awm ta a ni. Yakov Katz chuan kan Prime Minister Banjamin  Netanyahu demna thu chhakchhuak in Ariel Sharon nen an dang chuang lova, chuvang in fimkhur takin a khawsak leh a Sorkar kalpui dan chhui tur a ni tiin a sawi hial. Ram hruaitu a tan Sakhua mi leh Pa-thian tih mi kan awm hma chuan kan tal buai reng hrih dawn a ni hi !!!

March 30, 2011 Posted by | news | Leave a comment

Moshe Kachav an tan tlat !!

Kan hriat theuh ang in Israel  President hlui Moshe Kachav chu President a nih laia a Office a a chhawr hmeichhia  Pawngsual a puh a ni a, a chungthu tunlai hian rel mek a ni a, kum engemaw zat chu Jail bangthim a zuk ve ngei chu a rin awm hle. Nimahsela hetiang a mualpho leh hmingchhe thei ang ber a siam a, Pawngsual hial a puh anihna hi thu dik lo leh dawt a in puhna mai mai ni a ring an an tam  em em a, a ni Sakhaw mi nisi, Ram hmangaih leh Ram hmangaih tute tan tlat tu anih na lai ah Israel ram hmangaih lo tute tan chuan hnawksak ang reng tak mai a ni thei a, chuvang chuan President anih lai khan Term dang a chelh leh ang tih hlauh vang in misual ho in thangkam in an thangkam ah chuan awk in mualpho tak a siam a ni mai a ngai an tam em em bawk a ni. Pawngsual nilo in duhthu vang reng a hmeichhia pawh in mutpui ah ngai an awm bawk a, nimahsela kan rorelna a thu ho pawh  sakhua mi lah sa tan ai a ram hmangaih lo leh khawvel mite tan tlattu anihna lai ah kan president hlui Moshe Katchav chu thiamloh hul hual chantir in a hmabak  chhe tak in an siam sak ta a ni. Tun kar khan Zionism sakhaw mi Rabbi lian tak tak ten Moshe Kachav  hnenah chuan a ni chu  dik zawk a  an rinzia leh an thlawp zia te, thudik chu a lo la in tarlang mai tur zia te an hrilh a ni. Tun atang a karhnih chhung hian a hremna dawn tur chu court in thuthluk a siam dawn a ni.

Thu Belh: Moshe Katzav hi Israel Ram rorelna Court chuan thiamloh chantirin Kum Sarih thleng tang turin a chhungthu an rel a, tin, Pawngsual a puh tu ber chu Shekel 100,000 Zangna dawmna pe turin an ti a, a puh tu pahnihna pawh Shekel 25,000 pe turin thu thlukna an siam!! Jail Bang thim a zut hma in thla khat chhung in buatsaihna hun pek a ni a, hemi hun pek chhung hian amah a in tih hlum mai loh nan uluk tak a venhimna pek a ni nghe nghe. Ani hi Israel President te zing a Jail Bang zut hmasa ber leh la awm chhun a ni ta rih a ni. Israel Parliament (Keneset) a a lim pawh lakthlak nghal a ni nghe nghe!! President Chamber a Secretary hnathawk te reng reng chu zahawm takin an in chei tur a ni a, pawnfen chhing leh mal lang thui lutuk te fen an khap ta nghal bawk a ni!!

March 30, 2011 Posted by | news | 1 Comment

Israel ram tan a palai tur chuan Machpela a tlawh ngei tur a ni

Israel ram tan  khawvel ram hrang hrang a Ambassador a awm tur chuan min thlahtute thlan Machpela a tlawh ngei ngei tur a ni tiin Assistant foreign Minister Dani Ayalon chuan a sawi. Juda kan nihna leh Israel ram nen a kan in zawmna leh heng hmun te hi a hlutna leh awmzia hre lo chu Israel ram aiawh in ram dang a palai nitlak a ni lova, chuvang in mi tu pawh Israel foreign Ministry tirh a Israel Ambassador chuan heng hmun te hi a tlawh ngei tur a ni tiin a sawi a, tin Foreign minister Avigdor Liberman nen a an hmalak na anih thu a sawi bawk. Kar kalta khan Education Minister Gidion Sar chuan Gush Ezion leh Kiriat Arba te tlawh in Machpela thlan ah te a atawngtai a, a tawiawm tute leh Kiriat Arba leh Chevron mite hnen ah chuan Nakum atang chuan Israel ram School naupang tawh phawt chuan kum tin Kotel (Tahna Bang) an tlawh ang tho in helai hmun hi an tlawh tur a ni tiin a hrilh.

March 30, 2011 Posted by | news | Leave a comment

Jerusalem ah Rel leh Motor an in su !

Jerusalem khawpui cheimawinan leh a boruak thiang leh fai zawk anih theihna tur a hmalakna pakhat chu Town Bus ai ah khawpui chhung a hman chi Rel hman a ni a. He Rel kawng siam nan hian pawisa pawh a hek hiau hiau in hun pawh a duh rei hle mai!! kum nga chuang Jerusalem khawpui a chengte khawsakna a tih sukuk hnuah a tawp a tawp ah chuan Rel kawng chu siam zawh a ni ta a, tunlai hian Pasenger tel lovin an tlan chin vel mek a, tha zawk leh dik zawk a hman a nihtheihnan an zir mek a ni. Thil tam tak plan dan diklo hmun chhuah a ni a, chung zingah chuan Electric hmang a tlan a nih dawn avang in Rel kawng chung ah chuan Electric zam zel a ni a, nimahsela rikrum thil ah a buaithlak dawn em em a, Kang Mei lo chhuak in rel kawngbul vel Building a mi chhanchhuah lo ngai ta ang se Kangthelh motor lian tak tak te an lut thei dawn lova, ralkhat atanga chhanchhuah hna an beih mai te a ngai dawn niin a lang. Chutih lai chuan Rel khalh leh tlandan tur an zir chhung ngawt pawh in Vawithumlai Motor nen a in su in Accident a awm hman hial zu nia ! engtak ang chhun zel dawn   I maw …

March 30, 2011 Posted by | news | Leave a comment