Rav Gurion Sela kan bihchiang!!

Ha Rav Gurion Sela kan bihchiang!!                                           Rav Gurion Sela=R.G                                          Menashe Aw     =M.A M.A– Israel ram a Zo-hnahthlakte zingah Rav thleng hial a in zir mi tak mai kan nei che hi kan chhuang tak meuh meuh che a, Rav nihna title I nei tih kan hriat phat atangin keimahni Menashe fate zingah nasa takin phurna min pe a ni. Awle, engtia rei nge i zir chiah le,min hrilh thei ang em? R.G– A hmasa in ka hlawhtlinna a min lawmpui avang in ka lawm a ,Israel ka thlen a tang ka thil zir tawh chipchiar leh kimchang tak a han  sawi chhuah vek dawn chuan hun a duh rei dawn a, chuvang in a tawi zawng in ka lo sawi mai ange.Torah zir hi chu ka tlangval lai atang in ka tui zawng ani a,College a ka zirlai pawh in Torah leh Pathian thu zirnan hun ka hmang tam thin hle a, nimahsela Rabbi em nih chu ka tum ngai hran lo a. Sipai ka kal hma kum in Yeshivat Orh Samech (Khareidi) Yeshiva ah kum khat ka zir a, tin, Shaphels Torah college ah pawh rei lo te ka zir hman a.Nupui kan neih hnu ah Machon ha Mikdash  (Temple Institute) Kolel (Torah zirna sang hi Yeshiva ti lo in Kolel ti a koh ani) ah kumkhat leh a chanve ka zir a ,tin, chumi hnu ah Yeshivath Hakotel ah kumthum ka zir leh a,tin tun ah hian SSC Rabanical College ah ka zir leh mek ani.Tin, Rabanical Leadership Training chu Ner Le’Elef Institution ah kumhnih ka zir tawh bawk ani.

Mizoram CM belchhiang ang

Mizoram Cm thar Pu Lalthanhawla hi Hmartawnphunga leh Lalsawmliani Chawngthu te inkarah May 26 1942 khan Durtlang khuaah a lo piang a.Politics a a bul tanna chu MNF ah niin kum 1966 khan MNF ahSecretary a ni a, sipaiin manin Silchar-ah Jail te pawh a lo zu tang ve tawh nghe nghe. jail atanga a chhuah hnuin,kum 1967 khan Congress zawmin,Thalaiah te president a nih hnuah kum 1973 atang khan Mizoram Congress President nihna chu a chelh tana,Lalduhawma’n rei lote a thlak zawk bak chu Congress President hi tun thlengin a ni chho ta char char a ni.

Amah hi pa tumruh tak niin,MNF a tanga a chhuah hnuin zirnachhunzawm lehinBA a zo a,Khatih laia Dist,Council hnuaiah Recorder hna chelhin hemi hnu hian Assam Cooperative Apex Bank ah assistant hna a vuan leh ani>Hemi hnu hian Politics ah lut in !972 UT in thlanah  Aizawl North ah dingin a tling zo lova.Mahse 1978 ah Champhai ah ding lehin a tling a,chumi atang chuan Mizoram Legislator nih \na chu a chelh chho tan ta ani.

Kum 1984 atang khan Lalthanhawla chu Mizoram CM a ni tran a.Kum hnih a chelh hnuah MNF leh India sawrkar in inremna an siam khan Laldenga chu a CM nihna a kian a,1987 a mizoram inthlannaah Serchhipah thlantlin ni lehin Opposition ah a thu a,kum 1989-a inthlana awm leh khan Congress in hnehna changin CM nihna chu a lo chelh leh ta ani.1993 ah inthlan awm lehin chutah pawh chuan Congress chak lehin CM a ni chhunzawm a.1998 inthlanah erawh MNF leh MPC tangrual chuan hneh taka congress chu paihthla in,amah Lalthanhawl a ngei pawh MLA a tang a tla nghe nghe.Tun tum inthlanah erawh kan hriat theuh angin mipui rinphak baka chakin sawrkarna an rawn chang leh thei ta a ni.

Lal Thanhawla hi CM vawi li a ni hi Mizo political history-a a hming daih lohna tur a nih rualin remna leh muanna a awm theih nana Lal Thutthleng kiantu a nihna hi Mizo History-ah chuan a chuang reng dawn bawk a, Mizoramin hruaitu a neih tawh zinga hming dai lo tur zingah chuan a invawrh kai ve ta hrim hrim a ni.

Tin,Dt 11.12.2008 dar 2:30 Mizoram Cief Minister thar atan Congress party hruaitu Lalthanhawla chu Mizoram governor M.M Lakher chuan a lalut ta bawk.Lalthanhawla rual hian Pu R.Lalzirliana leh Pu H.Liansailova chu CM rawtna angin Minister atan lakluh an ni bawk.M.m Lakher chuan Raj Bawan Tualzawlah rinawmna thu a tiam tir ani.

Dawntawi dawn tisei!!

Mipakhat hian a bialnu Bike-ah a phur a;

Hmeichhia: Kan tlan chak e mai ka hlau ania!!

Mipa         : Anuam a lawm le tlan chak hi!!

Hmeichhia: Mawh tak tak..Ka hlau ania!!

Mipa         : Ka hmangaih che min ti phawt la..

Hmeichhia: ka hmangaih che tih te chu i hrereng a lawm…’ka hmangaih che’..Kan tlan zawi deuh thei tawh angem?!!

Mipa         : Min hmangaih tak zet chuan nghet takin min han kuah teh…

       (Hmeichhia chuan nghet takin a kuah a..)

Hmeichhia: Tlan zawi tak tak tawh la…

Mipa         : Ngawi rawh lawk,ka Helmet hi phelh la nangman khum lawk teh,Helmet khum hian min ti khalh nuam lo,ka duh angina ka khalh thei thin lo!!

  ..A tuk zinga Chanchinbu chhuak tin deuh thaw ah chuan ti hian a in ziak a, “Nizan zanlai pelh vel khan mipakhat leh hmeichhe pakhat Bike a in phurin an chesual a,Kawng hrul a Building in bang an su ani. A khalh tupa chu a hmunah a thi nghal a,a hmeichhia zawk erawh chu chhan hman ani,an chetsual chhan hi Bike Brakes fail vang ani tih hmuhchhuah ani bawk” tiin!! A mipa hian a Brakes a fail tih zawng a hre teh meuh mai,mahse kumtluang runhmun lenpui a,fanau maltluan chawi dun tur leh,thihna chauh loh chuan thenlo tur a hmangaihna a lo hlan tawh,a hmangaih mengmawii chuan a Brakes a fail ani tih a hriat vaih chuan a chiai nasat tur ziate a ngaihtuah a,a rilru chu a tal buai ve ngawt ang le!! Tichuan a Brakes a fail ani tih hriattir a,tih chiai vak ai chuan hmangaihna thu hnuhnung in hlan a,duhthawh tak a in kuah rialin,a duhlaii tan a anun hlan a lo thlang ta zawk a,Helmet khum tirin a duhlaii nunna chu a chhanhim ta ani!! Enge i ngaih ve dan?!!